Notisia

MAP - HAPAS Lansa Programa Monitorizasaun No Avaliasaun

 

 Dili- Projeitu Hasa’e Produtividade Agrikultura Sustentavel (HAPAS) hamutuk  ho Ministériu Agrikultura e Peskas (MAP,  lansa programa estabelesimentu sistema monitorizasaun no avaliasaun  hodi  hadia dadus Ministerio.

 Ministeriu hetan  apoiu  Orsamentu  ho total $.21 Milloens ba  Programa monitorizasaun  husi Banku Mundial.  Esplika Sekretariu Jeral MAP César José da Cruz wainhira remata Lansamentu iha loron Sexta (14/09) iha Timor Plaza,andar 5 maubara room Dili.

 Nia hateten, depois servisu hamutuk mos ho FAO oinsa mak hadia sistema monitorizasaun no avaliasaun iha MAP, Tamba Ministériu Agrikultura e Pescas nia servisu hare liu ba tekniku  iha kampu, tanba ne’e ita presiza halo duni monitorizasaun no avaliasaun ba servisu ne’ebe maka ita halo.

 Monitorizasaun ne’e  uza sistema FAO nian, ita implementa hamutuk ho sira en termus de kapasitasaun no mos liña koordenasaun, atu nune’e  Ministériu nia ema iha knar hare liu ba dadus hot-hotu hanesan mudansa klimatika, produsaun alimentar, be’e nian inklui  dadus  animal nian.

Fotografia/Roger Lopes/Info-MAP

César akresenta, Programa ne’e ita foin hahu, maibe husi Ministériu hahu kleur ona maibe la dun efektivu  liu ba monitorizasaun, tanba ne’e Ministériu nia hakarak mak oinsa bele hetan nia implementasaun ne’ebe mak efikas implementasaun ne’ebe mak hot-hotu bele simu katak realidade dadus ne’e los dunik.

 Programa ne’e servisu hamutuk ho Banku Mundial no FAO atu kapasita ita nia funsionario, Osan ne’ebe mak ba Ministériu da Agrikultura e Pescas ne’e liu husi projeito  ba tinan 6, total $. 21 miloens osan ne’e boot tebes, ida ne’e ita komesa iha tinan 2 liu ba, agora ita falta tinan 4 no sei remata iha 2022.

 Iha fatin hanesan, Reprezentante FAO, Paula Lopes Da Cruz Esplika katak, Serbisu ne’e halao iha kolaborasaun entre Banku Mundiál FAO no Ministerio Agrikultura, ho nia  objetivu maka atu dezenvolve no hametin liu tan  kapasidade Ministériu nian atu bele estabelese sistema ida ne’ebe Ministériu bele uza hodi halo kontinua monitorizasaun ba investimentu programa sira ne’ebe Ministériu halo.

Entretantu Official Planeamentu Monitorizasaun no Avaliasaun  Projeitu SAPIP,  Agusto Soares Barreto hateten katak, Projeitu ida ne’e asina ona iha 16 Novembru 2016 ho nia  metas final maka atu hasae produsaun, produtividade liu-liu iha area Basia Hidrografia, projeitu ne’e iha komponente ha’at, maka hanesan,  komponente Primeiro oinsá atu dezenvolve planeamentu integridade iha Basia Hidrografika, segunda oinsá maka fo apoiu konsoltoria, kapasitasaun ba ita nia grupo agrikultór sira, tolu oinsá maka reforsa instituisaun MAP ninian intermus halo planeamentu monitorizasaun koordenasaun no ikus maka Komponente  ba gestaun monitorizasaun ba projeitu.(Reha ,Roger&E”J,)

Programa Radio Joven Agrikulturahttps://www.mixcloud.com/elissousa/

 Hakarak Hatene  Informasaun detalhu  bele visita VARANDA HAPAS 

 

  

 

 

 

 

 

 

 

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login