Notisia

Membro KONSANTIL Hala’o Enkontru Hodi Hare Konaba Mal Nutrisaun Iha TL

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/Info-MAP

Dili- Konsellu Nasional Seguransa Alimentar Timor Leste (KONSANTIL) hanesan ne’ebe kompostu husi Linas Ministerias sira hanesan Ministériu Agrikultura e peskas (MAP) Ministériu Saude (MS) Ministériu Finansas no mos Ministériu seluk tan hala’o enkontru hodi hare konaba mal nutrisaun iha iha Timor Leste.

Tuir Secretariu Jeral MAP César José da Cruz hateten katak Sorumutu ida ne’e hanaran retiru liu-liu iha Linas Ministériais sira hodi koalia konaba mal Nutrisaun no inseguransa ai han iha ita nia rai. Enkontru ne’e Hala’o iha loron Kuinta (26/07) iha Salaun Enkontru Ministériu Financas Aitarak Laran Dili.

Nia esplika, Programa ne’e Ministériu Agrikultura  maka lidera hamutuk ho Ministériu Saude, Mnistériu Finansas no mos Ministériu sira seluk tan ne’ebé atu hare konaba Mal Nutrisaun iha rai laran ida ne’e. Ohin mai hamutuk iha ne’e atu halo retiru ida hodi hare fila fali  konaba atividade ne’ebe maka implementa ona liu-liu konaba politika ne’ebe maka atu hala’o tan ba oin konaba seguransa alimentar no mal nutrisaun iha rai laran.

Tanba ita hatene iha ita nia rai iha ita nia familia balu ne’ebe maka sei falta aihan, iha mos balu ne’ebe iha aihan maibe interkala, tanba ne’e ho retiru ida ne’e atu bele hare fila fali ba mal Nutrisaun no mos inseguransa Alimentar ne’ebe maka sei iha fatin barak.

Nia akresenta,  ita halo ona pilotu iha fatin tolu hanesan: Suku Afasa Munisipiu Baucau, suku Fahi Nehan Munisipiu Manu-fahi no mos Suku adaudu iha Munisipiu Bobonaro.  liu husi pilotu iha fatin sira ne’e indika ba ita katak ita presiza atu hare fila fali oinsa iha planu estratejiku ne’ebe maka ita iha, liu-liu hamutuk ho MAP no mos Ministériu relevante atu hare lolos servisu hirak ne’e hodi bele implementa iha terenu.

Fotografia/Rozer Lopes/Info-MAP

“Atu hamenus mal nutrisaun iha ita nia rai laran, kada Ministériu iha ninia politika no planu estratejia ne’ebe maka iha, MAP hare liu konaba fini oinsa maka hasae produsaun iha ne’eba no hare mos konaba mudansa klimatika, hirak ne’e hotu oinsa maka Ministériu bele halo politika ida atu halo metigasaun, metigasaun katak ita buka pelu menus atu kria mos be’e atu nune’e iha fatin sira ne’ebe maka falta be’e bele hetan mos be’e.” Tenik César

Nia informa Mal nutrisaun tuir dadus ne’ebe maka iha ohin Ministériu Saude fo sai katak por volta de 16% ne’e ita hare buat ida ne’ebe maka komum tanba ita kolia konaba inseguransa Alimentar laos falta de’it hahan lae maibe mai husi Infrastrutura, be’e, ambiente no mos eletrisidade entaun sira ne’e hotu makaMinistériu halo retiru ne’e atu hare planu lolos hobi bele implementa atu bele kombate inseguransa Alimentar.

Iha fatin hanesan Asesor KONSANTIL Filipe da Costa hatutan katak,  iha Timor Leste mal nutrisaun ho inseguransa ai han ne’e sei bo’ot validasaun de dadus mos hatudu katak inseguransa ai-han ne’e sei bo’ot tebes 15% grave iha ita nia rai, nune’e mos dadus sira ne’ebe maka  Misintériu Saude lansa ona hatete katak ita nia rai mal nutrisaun ne’e sei bo’ot tebes hare ba problema ne’e bo’ot  tebes entaun ida ne’e laos Ministériu ida ou rua nia servisu de’it, maibe servisu entre Linas Ministériais.

“Ita nia diak maka hanesan Timor Leste mos iha ona konellu ba seguransa Alimentar nutrisaun KONSANTIL, agora dadauk ne’e konsellu ne’e prezide husi MAP maibe nia servisu ne’e atu bele kordena kosolida harmoniza servisu Ministériu hotu hotu atu bele rezolve problema ne’e.” Hateten Filipe

Nia akresenta, Iha retiru ida ne’e atu hare fila fali ekipa konjunta ne’ebe uluk KONSANTIL estabelese, ekipa ne’e nia servisu maka atu hare fila fali politika no planu asaun sira ne’ebe maka Governo Timor Leste tau hamutuk ona atu bele harmoniza diak liu tan. Ita iha politika seguransa Alimentar ne’ebe maka aprova iha tinan kotuk, nune’e mos iha planu Asaun ho naran PANKATIL dokumentu hirak ne’e maka ekipa konjunta estuda hotu, husi ne’e sira halo fila fali identifikasaun ba intervensaun savi iha setor ida idak. (Tyfa)

Visita Radio Programa Joven Agrikulturahttps://www.mixcloud.com/elissousa/

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login