Notisia

Ministru MAP Vizita rejiaun 3 Hodi Hare Direitamente Atividade Agrikultór iha Kampo

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/Info-MAP

Dili- Programa prioridade Cem dias ou fulan tolu primeiru Ministru Agrikultura e Peskas , sei labele halo buat barak tanba orsamentu la adekuadu durante ne’e Governu uza orsamentu duadecimo neduni ministru agrikultura sei hare liu ba oinsa mak atu hare problema ne’ebe mak mosu iha ministeriu laran no liu-liu sei halo visita ba rejiun tolu hodi hare direitamente atividade agrikultór iha kampo.

Objetivu importante husi ministru nian mak oinsa atu hare no rona problema no kestaun komunidade iha kampu atu nune’e nia bele relata fali ba nivel altu.

Ministru Joaquim José Gusmão dos Reis Martins, wainhira halao entrevista ho ekipa Informasaun MAP foin lalasis ne’e esplika, Hahu agora to’o f ulan Dezembro ita sei iha faze tranzitoriu, ifa fulan Agostu to Setembro ne’e ita sei prepara programa annual ba tinan 2019 no 2020, maibe agora dadauk ita prepara programa Jeral ba tinan lima nian atu ita bele hatama iha Parlamentu bele aprova.

Nia realsa, Depois de tomada de posse ba segundu membru VIII Governo kontitusional nian kuandu kompletu ona ita mos sei iha Lei ba VIII Governo konstitusional maka ita foin bele hatama programa ba tinan lima nian.

Hau koko elabora buat balun ne’ebe maka atu bele halo durante cem dias ou iha fulan tolu primieru ne’e, primeiru liu maka bele halo revizaun planeamentu ho estratejia atu halo reformula fali servisu apoiu sira liu-liu atu bele asegura boa Governasaun liga ba iha politika servisu, ba iha planeamentu monitoring evaluasaun, Administrasaun Finansas, aprovizionamentu sira ne’e hotu hau hakarak atu besik liu hodi bele koñese liu inklui hau mos tenta atu hakbesik a’an liu ba Funsionariu sira iha ne’e atu bele hatene liu mais ou menus sira nia preokupasaun ne’e saida. Tenik nia

Fotografia/Elsio Jong/Info-MAP

Governo ne’e estabelese ita sei halo lei organiko Ministériu MAP nian ne’e funsiona ba iha Diresaun hotu-hotu ne’ebe maka iha. Depois prepara programa tinan lima nian atu bele ba aprezenta iha Parlamentu no mos komesa prepara ona programa annual ba orsamentu jeral 2019.

Joaguim Afirma liu tan, Depois iha semana ba dala tolu ou dala ha’at nian hau sei halo enkontru ho Diretór Jeral no Diretór Nasional sira hotu, atu sira bele aprezenta situasaun saida maka iha no hau mos hakarak rekolla dadus importante konaba tratores sira ne’ebe maka iha ou fahe tiha ona, tratores refere durante ne’e rai iha ne’ebe no se maka nain ba tratores hirak ne’e, Hira maka a’at no hira maka diak, karik a’at oinsa presija hadia ga halo nusa dadus ida ne’e maka hau presiza, atu ita bele halo fali politika foun ida konaba makina hirak ne’e.

Iha cem dias ne’e mos, hau sei halo enkontru ho parseiru sira dezenvolvimentu ne’ebe mak durante apoiu Ministerio importante tebes tanba iha MAP ne’e ita iha doadores barak tebes hanesan FAO, JICA, GIZ, Wordfish no seluk seluk tan, tanba ne’e hau presiza koalia ho sira hodi bele koñese liu tan, hodi bele hatene sira nia programa atu bele sai mos liña ida ho politika Governo nian.

Ministru mos sei halo visita ba iha rejiaun tolu hau tanba ita osan laiha atu bele implemeta programa talves ita bele hakbesik an ba agrikultór sira hodi enkoraza sira kuandu ita implementa programa iha tinan 2019.

Komunidade sira husi Maliana preokupa tebes ho irrigasaun ne’ebe maka iha maibe seidauk funsiona diak, tanba ne’e sira iha rai luan maibe labele halo hotu, ezemplu sira iha rai 20 hektares, sira labele halo hotu sira tenki halo de’it 10 hektares tanba sira problema ho be’e Irrigasaun. Ida ne’e hau mos hakarak atu ba hare tok mais ou menus nia problema ne’e saida hau hakrak ba ho tekniku sira atu hare hodi identifika.

Atu hasae produsaun hare, maibe se ita be’e la iha hanesan de’it ida ne’e mos faktor importante tebes atu ba hare tok se bele tau osan oituan hodi bele hadia ou bele tau foun maibe ne’e ita sei hare lai, sira ne’ebe maka iha ona ne’e ita bele hadia para oinsa fasilita ita nia Agrikultór sira neduni iha tinan 2019 ita mos tau osan ituan ba irrigasaun.

Problema ne’ebe maka ita hasoru iha kampu liu-liu iha area sira hanesan Agrikultura, Peskas no seluk tan, ita mos sei husu ba iha liñas departamentu sira ida-idak atu bele identifika ida ne’ebe maka ita bele hatan imediatamente ida ne’ebe maka laiha ita hatama ba programa no hare ba orsamentu atu bele responde ba ida ne’e.

Ita hotu hatene katak Fronteira Marítima agora dadauk fiksu ona, neduni agora ita nia tasi ne’e luan liu tan, ida ne’e sai hanesan dezafiu bo’ot ba iha area peskas, ne’e duni iha cem dias ne’e bele formula estratejia ida halo hanesan SOP ida atu bele hare liu ba iha atividades iha tasi laran ne’e, liu liu ba iha illegal fishing sira ne’e buat sira ne’e hotu maka ita presiza hare tanba ita nia tasi agora komesa bo’ot tan hare ba ita nia rekursu Humanu mos ituan tebes oinsa maka ita atu bele hare ba problema ida ne’e.

Karik ita bele servisu besik liu ho Polisia Marítima sira ou F-FDTL sira, tanba ema naok ikan iha tasi laran ne’e bo’ot liu ne’e presiza kria SOP ida atu bele halo ligasaun hodi bele servisu ho parte sira seluk.

Agora ita seidauk bele hatan lalais tanba ita nia orasamnetu mos la adekuadu ba ida ne’e, maibe ita Timor ne’e ita nia komunidade sira ne’e la husu buat barak ba boot sira e sira hakarak liu maka atensaun husi ministru, wainhira it a ba vizita koalia ona ho sira, sira sente kontente maske ita nia ajuda ba sei kleur mos sira sente diak hela.

Ba oin oinsa maka ita bele uza ou aselera hodi dudu sira para halo servisu diak liu tan tanba povu ida ne’e maka importante liu, servisu tenki hatudu kapasidade no profisionalizmu, tanba Agrikultura ne’e tekniku ne’e duni hau iha esperansa bo’ot katak it a bele halo mudansa.

 Visita Radio Programa Joven Agrikulturahttps://www.mixcloud.com/elissousa/

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login