Agrikultór 30 Tuir Treinamentu Konaba Balada Ruminante Bo’ot

Estrela inativaEstrela inativaEstrela inativaEstrela inativaEstrela inativa
 

Fotografia/Norberto/Info-MAP

Liquiça –Treinamentu ne’e atu hasae koñesementu ba agrikultór sira ne’ebe mak simu karau  no fahi duroc husi MAP, liu husi treinamnetu ne’e oinsa mak bele utiliza  materias lokais iha Sentru Peskisa refere.  Agrikultór  hamutuk 30 hetan treinamentu husi Estensionista sira durante  loron ida konaba ba balada Ruminante Boot hanesan  (Karau Vaca), Monogastric (Fahi Duroc) no kompos husi feces.

Tuir Secretário Geral MAP,  César José da Cruz,  loron Quinta (05/07) suco Gugleur Posto Administrativo Maubara hateten, Agradese tebes  ba Diretór Peskiza  tamba bele halao programa peskiza tanba Treinamento ne’e diak tebes ba ai han saida mak serve ba karau, fahi, manu inklui  bibi.

Nia esplika katak hanesan Timor oan iha lisan barak tebes, dalaruma ita nia lisan husu animal hirak ne’e entaun ita la sente todan tanba ita mos hakiak hela animal refere, nune’e mos laos prepara ba lisan de’it, ao mesmu tempu bele fa’an hodi sustenta mos ekonomia  familia uma laran.

“Oras ne’e dadauk animal  hanesan fahi ne’e karun tebes, oinsa maka ita bele halo sakrifisiu hodi bele hakiak fahi aman ida no inan ida depois fo kaben hodi bele hetan oan no sai barak liu tan, ita labele hakilar de’it ba Governo, Governo hanesan mai atu suporta de’it no oinsa maka ita bele dezenvolve ba iha futuru, ai han ba animal ita hare iha  loes ne’e barak tebes hanesan Ai farina, Batar,  Ai turi, ai kafe, ai han sira ne’e tenki iha ransum hodi animal sira bele konsumu.” Tenik César

Fotografia/Norberto/Info-MAP

Iha fatin hanesan Diretór DNPIEG,  Claudino Ninas Nabais hateten katak, Agrikultór sira ne’ebe maka tuir treinamentu ne’e mai husi Atabae no barak liu mak besik sentru peskisa Loes nian, treinamentu ho tipu rua ba animal hanesan fahi no karau, ita nia peskisadór sira halo peskiza iha area  ne’e oinsa maka atu utuliza materiais lokais sira ne’e hodi habokur karau no fahi.

Nia hatutan, iha Loes ho Atabae sira simu fahi Duroc husi Ministério da Agrikultura e Peskas nomos karau balun ne’ebe distribui husi Ministério ho difikuldades ne’ebe mak sira hasoru, entaun husi Diresaun Nasional Peskisa iha inisiativa halo peskiza ida ne’e atu hare didiak hodi bele rekomenda ba ita nia agrikultór sira  atu uza hodi habokur sira nia karau nomos fahi liu-liu ba fahi duroc ne’ebe mak MAP distribui ona ba sira.

“Objektivo treinamentu ne’e atu hasae koñesementu ba ita nia agrikultór sira ne’ebe mak simu karau fahi duroc husi MAP, tamba ami mos rona katak sira iha preokupasaun lubuk ida ne’ebe sira hasoru maka hanesan  hahan laiha, moras kona, depois sira balun mak uluk simu fahi balun nia populasaun aumenta, balun mak populasaun menus tamba hahan laiha nia tratamentu sira ladun kuidadu didiak.” Hateten Claudino

Iha oportunidade hanesan Peskizadór Agro Pekuaria, Jacinto Boavida Soares esplika katak, iha parte fahi rasa ne’ebe ita nia estadu introdus mai koloka iha Municipio Liquisa nomos kona ba karau vaca ne’ebe  ita habokur ho ai-han sira ne’ebe ita produs hanesan Taramba, du’ut Elefante, du’ut liurai no duut sira seluk.

Fotografia/Norberto/Info-MAP

Treinamento ne’e iha komuniti 2 hanesan halo peskiza ne’e ai-han lokal sira mak hanesan Batar, Ai ferina no Akar ne’ebe produs iha ita nia Sentru peskisa rasik, hanesan ita nia kolega agronomia sira produs batar ne’ebe la uza ba hanesan fini, entaun ita rekolla depois transforma ba sai hanesan ransum hodi mistura ho ai-farina sira ne’ebe produs husi ita nia peskizadór sira selu-seluk.

Nia akresenta,   akar   ema  balun  ne’ebe maka estraga de’it entaun sira rekolla ida ne’e  liu husi komunidade  sira ne’ebe prepara e  bele transforma sai hanesan ai-han fahi nian ne’ebe sira bele mistura ho  ai-han sira seluk atu nune’e  bele alkansa nutrisaun ne’ebe diak, to iha proteina porsentu 10,3  atu nune’e ita bele fornese ba fahi duroc ne’ebe sira hakiak.

Treinamentu ofisialmente abertura husi Secretariu Jeral MAP César José da Cruz, marka mos prezensa husi Diretór Nasional Peskiza no mos Autoridade sira husi Munisipiu Liquiça.

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login