Notisia

Formandu 50 Fila Husi Israel

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/Info-MAP

Dili- Formandu limanolu kompostu husi mane (33) no feto (17) remata ona formasaun konaba agrikultura iha Israel, formasaun refere halao durante fulan sanolu resin ida nia laran,  oras ne’e dadauk formandu refere fila hikas ona mai Timor - Leste iha loron hirak liu ba.

Depois de fila formandu hirak hala’o  sorumutu ho Diretora Jeral  Agrikultura Hortikultura Maria Odete de Céu Guterres no mos  Diretor Nasional Formasaun Teknika Agrikola Hipolito da Costa  hodi hato’o sira nia estudu durante  iha Israel, sorumutu ne’e hala’o iha loron Kinta-feira (28/06) iha Salaun MAP Comoro Dili.

Tuir  DJ Odete hateten katak, sorumutu ida ne’e atu simu fila fali sira ne’ebe ba tuir ona formasaun konaba Agrikultura  no hortikultura iha Israel,  programa ida ne’e  governo halo ligasaun bilateral ho governo Israel, ne’ebe liu husi Ministériu Agrikultura e Peskas halo kooperasaun de trbalho hodi haruka joven  feto no mane ba aprende tekniku Agrikultura iha ne’eba.

Nia informa,  sira ba iha Israel ne’eba hetan mos formasaun iha area Agrikultura no hanorin mos sira oinsa halo projeitu  Agrikultura, durasaun ba sira nia formasaun ne’e durante fulan sanolu resin ida no fomandu refere buat hotu governo Israel maka selu.

Governo liu husi Ministériu Agrikultura kria de’it mekanizmu ba sira  hodi fasilita sira ba iha rai  liur,  hodi aprende konaba area Agrikultura  oinsa dezenvolve Agrikultura,  ne’ebe  husi kuda to iha merkaduria,   sira  fila  husi ne’eba mai,  sira mos kria servisu rasik ba sira nia a’an, governo nia papel maka atu suporta  de’it sira wainhira sira presiza  asistensia teknika, ou sira nia proposta presiza  fila rai hodi kuda, kolleta  no to’o ba merkaduria  ida ne’e maka governo nia responsabilidade.

Fotografia/Elsio Jong/Info-MAP

Grupu ida ne’e hanesan grupu ba dala tolu nian, gupu primeiru no segundu sira fila mai ona no sira mos kria rasik kampo de trabalho ho sira nia grupu, hau vizita ona grupu ida iha Ermera sira rasik kria kondisaun no hatao’o proposta  mai Ministériu iha ekipa  verifikasaun hodi halo verifika ba sira nia proposta, wainhira proposta ne’e viavel entaun ida ne’e maka ami bele suporta osan ituan ba sira mos  asistensia teknika ba sira hodi sirahodi sira bele hala’o  nia atividade refere, no agora dadaun sira susesu ona.” Tenik DJ Odete

Iha fatin hanesan porta vos, Vitor da Costa Ximenes Gama hateten katak, husi formasaun ne’e sira aprende konaba siensia teknolijia iha area Agrikultura iha Israel ne’eba. Aleinde ne’e sira mos hetan pratika iha kampu.

Formandu hirak ne’e reprezentante husi Universidataio hanesan  UNTL, UNITAL, no mos Sskola SPP tolu hanesan Natarbora, Fuiluro no Maliana, planu ba oin maka ami mos atu forma grupu hodi servisu hamutuk ho komunidade hodi fahe fila- fali esperiensia sira ne’ebe maka ami hetan iha ne’eba. (Tyfa)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login