Notisia

WORKSHOP TRABALHO KONABA DISTINSAUN PREMIO BA FUNCIONARIO PUBLIKU IHA MAP

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/Info-MAP

Dili –  Ordem Meritu Distinsaun no Premiu Funsaun Publika  apresiasaun  kareira nudar motivasaun ba profesionalizmo  servisu iha area Instituisaun Estadu nian, MAP- KFP  halao   workshop trabalho iha salaun MAP komoro Dili,   iha loron kinta 24 de Maiu-2018,  Ho topiku Distinsaun Premio ba Funcionario Publico.

Xefi  Departamentu Avaliasaun progresaun Destribuisaun no Premio iha Diresaun Nasional Forsa  Komisaun Funsaun Publiku,  Constantino Corado hateten katak,  sira hetan karta husi Ministériu Agrikultura e peskas  katak atu partilha ou fahe informasaun husi Mini workshop ne’ebe maka organiza husi Rekursus Humanus MAP ninian. Iha Dekretu Lei no 41 2015 dia 6 de Dezembro Rezime ida ne’e aplika ba deziminizasaun premio ba Funsionariu Publiku.

Nia esplika, objetivu husi rezime ida ne’e,  Estadu liu husi Governo konsidera dedikasaun prestasaun servisu desempenho servisu Funsionariu Publiku Timor laran tomak tantu rezime jeral no rejime espesial iha Funsionariu Publiku nune’e mos ajente Funsaun Publiku.  Iha aplikasaun rejime ne’e maka konsidera sira nia dedikasaun servisu ne’ebe maka sira halo.

Informasaun ida ne’e maka ami sempre halo, dalaruma iha instituisaun balu seidauk hatene lolos konaba rekejitus hirak ne’e, rekejitus ne’e la dun iha difikuldade tanba hanesan Funsionariu ida nia tenki halo servisu tuir deskrisaun servisu ne’ebe maka tau iha ninia termo referensia.” Hateten Costantino

Fotografia/Elsio Jong/Info-MAP

Nia hatutan,Finalidade informasaun ne’e atu fo konhesimentu de’it ba Diretor Jeral no Diretor Nasional sira oinsa atu bele iha konsiderasaun ba sira nia a’an rasik no mos ba sira nia Funsionariu sira atu bele hatudu dedikasaun servisu ne’ebe diak ba instituisaun nia laran.

Iha fatin hanesan Diretora Jeral Agrikultura Hortikultura,  Maria Odete do Céu Guterres,  hateten katak, Workshop Distinsaun Premio ida ne’e atu fo hanoin ba Diretor Jeral, Diretor Nasional no mos xefi  departementu sira, atu nune’e iha fulan 6 nia laran bele halo preparasaun hodi hahu estabelese iha tinan 2019 apartir janeiru 2019 bele implementa ona.

Odete akresenta, husi rekejitus 1 to 5 ne’e servisu normais ne’ebe halao baseia ba TOR servisu nian, otomatikamente priense tuir kalendariu de trabalho de diariu mensal, ida nee hanesan avaliasaun hodi prense trabalhu dezempenhu nian, maibe avaliasaun dezempenhu depende ba karakter husi xefi  ba nia suvenariu sira, ho ida ne’e hanoin katak dokumentus nee importante ba ita para hare tuir nia suvenariu ou staff sira atu priense trabalhu tuir kalendariu diariu nian hanesan semenal,mensal,trimesteral to annual.

hau hanoin funsionariu iha kada area trabalhu sempre fo atensaun ba ema agrikultura, pescas, no pekuaria nian ne’ebe sempre hakarak halo inovasaun foun, evolusaun da teorias persiza iha motivasaun maibe motivasaun deit mos lato’o , aproveita oportunidade ida ne’e ita mos halo faze planementu durante nee iha diresaun Jeral, espera katak estrutura foun mai bele aloka orsamentu ba iha atividade ida ne’e, tamba hanesan sumariu seksonal,  presiza apoiu orsamentu ba area peskiza nian.

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login