Notisia

MAP - KAK HALAO ENKONTRU KONABA OINSA UTILIZA PATRIMONIO ESTADU

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

 

Fotografia/Elsio Jong/Info-MAP

Dili – Komisaun Anti Korupsaun  halao enkontru ho Ministeriu Agrikultura no Peskas konaba oinsa atu utiliza Patrimonio Estado  iha oras servisu tanba funsionariu balun uja patrimonio  estadu la tuir lei no regras ne’ebe iha.

Diretor Geral Prevensaun KAK Rosario Salsinha de Araujo, iha nia entrevista wainhira halao enkontru ho MAP iha Salaun MAP Komoro Dili,  loron (9/05/2018)  hateten katak,  enkontru ho MAP ne’e hanesan kontinuasaun husi Ministeriu Publika nian konaba oinsa atu halo survei ba ema ou funsionariu balun ne’ebe uja patromonio  estadu bele uja sala ou haluha an wainhira laos tempu servisu nian entaun sai problema no bele afeita ba instituisaun  laos ba pessoal ne’ebe mak uja patrimonio estadu refere.

Iha enkontru ne’e mos koalia konaba regra ba funsionariu sira ne’ebe mak foti lisensa la ho salariu no lisensa espesial, ne’e sasan estadu tenki hatama no tau kondisoens hodi entrega sasan hirak  ne’e ba se, tanba funsionariu ne’ebe mak foti lisensa labele lori patrimonio estadu ba uma no liu–liu uja ba tuir kampanha partidu tanba iha lei hateten ona.

Nia mos hatutan, Ida ne’e ita fila fali ba instituisaun idak-idak nian nivel xefia sira mak tenki kontrola buat hirak ne’e, tanba saida mak xefia ida tun ona husi nia kargu la hatama patrimonio estadu ne’ebe mak nia uja, iha lei no 8/2013 hatete ona katak sasan estadu atribui ba ema ida ne’ebe mak hetan kargu xefia no la atribui ba ema ne’ebe maka tun ona husi nia kargo.

Iha fatin hanesan,  Diretora Adminitrasaun  e Finanças, Ervina Pinto esplika, Ohin KAK mai iha ne’e atu hare ba utilizasaun Patrimonio   Estadu iha Ministeriu  Agrikultura e Pescas ne’e lao oinsa, liu-liu iha tempu kampanha agora ne’e, sira hakarak hare lolos katak funsionariu balun ne’ebe foti ona lisensa ba tuir kampanha ne’e nia kareta sira  tenke para hotu iha Ministeriu, ida ne’e mak sira hakarak mai hare ita lao tuir duni padraun ne’ebe iha.

Kona ba utilizasaun patrimonio   Estadu husi Ministeriu ninian, Iha ne’e ita hato’o ona karta ba sira katak atu entrega hotu Kareta  Estadu.  Konaba ida ne’e  karta sai hotu ona ba Diretor ou Xefe sira. Patromonio  estadu ne’e sira hatama hotu e sira mos mai hare rasik katak sira ne’ebe lisensa ba tuir  kampanha ne’e nia kareta para hotu iha Ministeriu.

Nia realsa,  Elisaun ne’e liu tia sira sei mai hato’o fali katak iha fulan hirak liu ba sira mai hare ona ita nia utilizasaun Patrimonio  Estadu ne’e lao oinsa e sira mos sei mai hato’o fali  relatoriu ne’ebe iha mai iha Ministeriu. No KAK  sira mos koalia atu halo tan estudu ida kona ba ita nia orsamentu ba grupu sira no hakarak halo monitorizasaun ba ita nia grupu sira ne’e hodi hare klean liu tan kona ba orsamentu ne’ebe durante ne’e ita fo ajuda ba grupu agrikultor tanba ita iha grupo rua, ida husi Pekuaria no ida tan husi Diresaun Nasional Hortikultura.(Rezer&Reny)

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login