Notisia

Banco Mundial no USAID hamutuk Secretário Regional ba Assuntu Agrikultura no Dezenvolvimentu Rural- RAEOA Oecusse halaó vizita ba Suco Naimeco –Oecusse

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

 

 Oecusse – iha 25 Abril, 2018,  Banku Mundial nia Reprezentante mai Timor-Leste, Sr. MacMillan Anyanwu no Diretora Misaun USAID  Sra. Diana Puttman – akompanha hosi  Secretário Regional ba Assuntu Agrikultura no Dezenvolvimentu Rural- RAEOA Oecusse , Sr. Regio da Cruz Salu  hala’o soru mutu ho kommunidada iha Suco Naimeco neébe sai hanesan suco alvu ba projetu “Hasaé Produtividade Agrikulura Sustentavel (HAPAS)”.

Projetu HAPAS neé hetan suporta hosi Sekretariadu Programa ba Agrikultura no Seguransa Aihan Global ho durasaun tinan 6, hahu hosi 2016-2022. Projetu neé implementa hosi Ministério da Agricultura e Pescas (MAP) no  Banco Mundial  sai hanesan entidade neébe sei halao supervizaun ba MAP durante implementasaun projetu neé.  Projetu neé implementa  iha basias hidrografikas 4 hanesan Tono,  Loes, Belulik no Raumoco.  

Objetivu hosi sorumutu neé atu rona rasik konaba prioridades saida mak komunidade planu atu halaó durante durasaun Projetu HAPAS iha Suco Refere.

Iha sorumutu neé, Sr. MacMillan Anyanwu hateten katak liuhosi HAPAS, Banco Mundial servisu hamutuk ho MAP atu hasaé produsaun no produtividade ba  komunidade suco Naimeco no suco Alvu sira seluk.  Vizita hamutuk neé atu esplora mos posibilidade ba HAPAS atu komplementa atividades  USAID nian neébe implementa hosi Word Neighbour  iha suco hanesan.

Sr. Regio neébe servisu iha area agrikultura no dezenvolvimentu rural mos hateten katak sei la interfere iha desizaun konaba establesimentu grupus agrikultores no sira nia atividades neébe mak sei halao durante HAPAS nia durasaun.  Secretário Regional ba Assuntu Agrikultura no Dezenvolvimentu Rural ho ninian estrutura tomak prontu atu fasilita unidade implementasaun projetu Oecusse nian iha implementasaun projetu HAPAS.

Projetu HAPAS neé  implementa mos iha suco 5 seluk hanesan Bobometo, Malelat, Usi-Tacae, Usi-Taqueno no Banafi.Hein katak liuhosi kolaborasaun entre MAP no Banco Mundial bele lori paz ba komunidade liuhosi iha hasaé produsaun,  produtividade no merkadu ba produtus hosi agrikultores kiík sira iha suco Alvu sira hosi Basia Hidrografika Tono. Maibe MAP no Banco Mundial mesak labele atinji objetivu neé, tan neé  atu asegura sustentabilidade ba projetu neé, presiza tebes kontribuisaun hosi komunidade  Suco Alvu sira nian liliu partisipasaun hosi inan feton sira no foin saé sira.  

 

                                                                                         

         

 

 

 

Tags:

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login