Notisia

MAP Lansa projeitu SAPIP

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/Info-MAP

Ainaro – Ajensia Banku mundial liu husi SAPIP  servisu hamutuk ho Ministeriu Agrikultura Lansa projeitu Hasa’e produtividade Agrikultura Sustentavel (HAPAS) iha munisipiu lima   hanesan Lautem, Bobonaro, Oecusse, Covalima inklui Ainaro.

Tuir Ministro Agrikultura e Peskas, Estanislau Aleixo da Silva,  iha nia entervista loron kinta (5/4/18) katak, Liu husi implementasaun programa HAPAS ne’e atu envolve komunidade hodi bele aumenta produsaun husi sira nia to’os ou natar  ao mesmo tempu kuda mos ai-oan iha foho lolon atu labele halo be’e maran iha tempu bailoron naruk.

Nia hatutan, Benefisiu husi projeitu atu hare produtu Agrikultura  no oinsa nia ligasaun to’o iha  merkadoria,  Portantu sasan sira ne’ebe maka ita nia Agrikultor sira kuda hanesan ai-han hirak ne’e no oinsa maka bele halo esklaresementu no fo treinamentu ba ita nia populasaun sira bele halo Agrikultura ida ne’ebe sustentavel iha longo prazu.

Estanislau akresenta, Ministériu Agrikultura fo apoiu tekniku liu husi Diresaun Tekniku sira no mos Estensionista sira ne’ebe maka hala’o servisu hamutuk ho Agrikultura sira fo apoiu tekniku ba sira hodi hato’o metodu saida maka sira bele utiliza atu kuda  variedade  ne’ebe mak diak  hodi bele hetan rendimentu ne’ebe maka diak no mos kualidade ne’ebe maka diak liu tan.

Nia salienta, Ao mesmo tempu ajuda mos sira oinsa atu kria kondisaun atu ema bele mai sosa agrikultor sira nia produtu no lori sira nia produtu ne’e ba iha merkadu, maibe importante liu maka  bainhira sira kuda tenki iha mos garantia katak sasan sira ne’ebe sira uza ne’e bele iha merkadu.

“MAP mos sei servisu hamutuk ho Minisériu Comersiu Industria tanba sira koñese Industria ida ne’e mak hare liu parte Komersial nian.” Tenik Ministro MAP

Iha fatin hanesan, Reprezentante Banku Mundial,   Cornelio Quintão de Carvalho esplika katak,  programa lansamentu HAPAS iha area ida ne’e  ami sei kobre suku 12 iha munisipiu Ainaro no suku ida iha munisipiu Covalima,Suku Hare Kain, hanesan ita hotu hatene katak Banku muindial nia mehi ida maka atu redus kiak iha mundu.

 Nia hatete katak,  dezenvolvimentu agrikultura sai hanesan instrumentu ida ne’ebe  forti atu ita bele uja baze ida ne’ebe bele hamenus mukit no kiak  hasae rendimentu nomos kresimentu ekonomia ba ita nia Nasaun.

 

Timor leste iha potensia barak atu hasae  no hadia produtividade agrikultura neduni   Ami husi  Banku Mundial sente orguilho atu suporta governu Timor leste liu husi programa Hapas,  banku mundial hakarak fo parabens ba ministeriu agrikultura no peskas ba progresu subtansia iha seitór agrikultura nian ne’ebe atinji iha tempo ita ukun an to’o agora.

“Ami hatene katak  ida  ne’e  laos fasil  neduni presija esforsu makaas husi seitor hot-hotu hodi hasoru  dezafiu barak  atu ita kolaborasaun servisu hamutuk hodi hadia produktividade agrikultura liu-liu iha  nivel mal nutrisaun ne’ebe sei as.” Cornelio katak

Promove produtu agrikultura  fo nutrisaun  barak resistensia ba klima ita bele serbisu hamutuk hodi promove planeiamentu bazeia ba basichidrografica iha nivel komunidade nian fornese opotunidade ba investimentu ne’ebe suporta aspirasaun husi feto, mane inklui  joven sira.

Ami fiar katak ba programa implementasaun Hapas ida ne’e  sei hetan produsaun agrikultura ne’ebe diak bele mos fo benefisiu ba komunidade iha munisipiu Ainaro.

 

Iha fatin hanesan, Amisnistrador Ainaro Albertino de Araújo, informa,   esperansa bo’ot ba iha Munisipiu ida ne’e liu-liu ba iha Suku sanolu resin rua  sai tarjeitu ne’e   inportante maka ekipa trabalhador implementasaun projeitu SAPIP nian iha seriedade atu bele kontrola projeitu ne’e bele lao ho diak.

prosesu implementa projeitu  tenki kontrola no mos halo  avaliasaun  tanba liu husi avaliasaun ne’e ita hatene katak atinjimentu ba  progresu implementasaun ne’e to’o iha ne’ebe no falta iha ne’ebe.

kuandu atinjimentu projeitu ne’e hetan susesu ba Povu nune’e Governo mos Susesu.

Diretor Nasional Peskiza Estatistica e Informasaun Geografica, Claudino Ninas Nabais, depois partisipa serimonia lansamentu ne’e hatutan,  programa HAPAS  implementa iha munisipiu haat agora dadauk  faze primeiro dokumentu projeitu ne’e iha ona  komponente ida ne’ebe  espesefiku liu atu  estabelese liu husi  instituto peskiza iha Timor-Leste.

Claudino hatutan, presenza diresaun ne’e iha ligasaun direitamente ba komponente 4 ne’ebe iha dokumento projeitu minimu mensiona kona ba estabelesementu institutu peskiza Nasional Timor-leste nian nomos peskizador sira husi  diresaun ne’e rasik  prontu atu ajuda no  fo treinamentu  relasiona difikuldades  no prekupasaun  ne’ebe ita nia Agrikultor sira  enfrenta.

Iha serimonia lansamentu ne’e mos halo demotrasaun iha area oin-oin, liu husi  demotsrasaun ne’e peskizador sira aprezenta mos atividade ne’ebe mak sira halo iha tinan hirak liu ba  ne’ebe iha relasaun ho produtu  agrikolas nian iha  parte hortiklutura liliu hanesan legumes koto no mos  ai-horis sira ne’ebe prinsipais liliu ba iha area rai aas no rai malirin hanesan iha Ainaro.

Baszeia ba rezultadu peskisa nian ne’ebe maka iha Ainaro barak liu implementa  kulturas ka aihoris  hortikultura nian, entaun iha ne’e ami demostra ida ne’e maibe la taka dalan tamba basias hidrografica nian ne’e liu mota ninin ne’e  signifika  iha rai balun  ne’ebe  manas neduni  ami hatudu resultadu balun ne’ebe ligasaun  ho aihoris  batar no  hare legumes ou misturasaun kuda batar ho legumes sira.

Aleinde ida ne’e ami halo demonstrasoes kona ba oinsa bele habokur karau,  habokur fahi utiliza materias lokais sira ne’ebe maka ita nia agrikultor sira fasil atu hetan.

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login