Notisia

MAP hala'o Limpeza Geral Iha Area Kosteiru

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Roger Lopez.Info.MAP

Dili- Ministériu Agrikultura no Peskas liu husi Direcçáo Nascional e Gestão de Recursos Pesqueiros - Dirasaun Jeral das Peska ho liña Ministeriais, halo limpeza geral iha Bidau Lecidere to’o Bidau Santana ho intensaun atu konserva ambiente tasi ligadu ho ekosistema, biodiversidade. Sesta feira, 9/3/18.

Tuir Vice Ministru Agrikultura Deolindo da Silva hateten katak, “loron ohin loron importante tebes oinsa ita bele moris iha ambiente ne’ebe mos, libre no saudavel. Tanba ne’e ministeriu agrikultura no peska, liu husi di resaun jeral peska, kria programa tinan ida kada fulan tolu halo limpeza dala ida iha area Praia Feira Largo Lecidere ba to’o iha Bidau Santana”.

Vice ministru mós hato’o bemvindu ba partisipante husi instituisaun relevantes, PNTL- Marina, F-FDTL no alin universitariu UNTL, Unital, Undil, Unpaz, Eskola Secundarai, Primaria no kolega sira husi intituisaun seluk, ho involve kolega sira ne’e hotu, mai ita hamos ita nia tasi ibun para bele mos no fo imagen diak ba tuirsta sira katak timor leste praia ne’ebé moris iha ambiente saudavel no livre husi moras, se ita la hamos bele mos foer sira ne’ebé iha tasi ibun maka mota lori mai to’o tasi laran bele kontamina, depois moras sira ne’e bele daet no afeta ba ita ema”.

Programa limpeza jeral ne’e inisiativa husi Diresaun Jeral Peska, nudar programa rutina oinsa hadomi ambiente, moris iha ambiente ida ne’ebé saudavel, livre, tanba ne’e maka ho hanoin ida hodi identifika fatin Largo Lecidere no Bidau Santana sai fatin ba limpeza jeral. Limpeza jeral ne’e antes halo ona iha tasi ibun Tasi Tolu, tasi ibun Maubara no fulan tolu oin mai sei halo iha fatin seluk.Tenik vice.

Vice salienta liutan katak, mota lori foer husi be’e dalan mai, udan bo’ot tama hotu tasi laran, hodi lixu hanesan plastik, masa akua, hena foer, karon att no etc, depois labarik sira ba haris no provoka fali labarik sira nia saude ladun saudavel. Tanba ida ne’e maka husi dirasaun jeral peska iha hanoin ida atu bele koopera serbisu hamutuk ho instituisaun relevante, hodi hamos ita nia tasi ibun para bele garantia tasi ne’ebe mos ba ita nia vizitantes sira ida ne’e maka prioridade.

Vice mós apelu ba joven nudar jerasaun foun ba nasaun ida ne’e, atu oinsa bele tau an hamutuk ho jerasaun tuan sira hodi hare liu ba iha limpeza no ambiente nia mos. tanba ár ne’e lapuru, rai la mos, tasi la mos nia impaktu bele fila fali ba ita ema moris “joven sira oinsa maka bele tau foer iha nia fatin karik hemu aqua ruma, han dosi ruma ho plastiku tanba governu establese ona fatin atu lixu”.

Iha fatin hanesan Florindo Napolião, Xefe Deprt. Administrativu e Rekursu Humanu- Sekrétaria Estado Desportu Promosaun Alta de Kompetisaun hateten katak, nia apresia ho inisiativa Ministériu Agrikultura ne’e tamba husi limpeza ne’e fo ambiente ne’ebé saudavel. “Ohin foer barak los husi Inan Aman sira faan nuu no sira ne’ebé pasiar iha tasi ibun ne’e soe foer arbiru deit hanesan masa akua no seluk tan mais fóer barak mak ami konsege hili hotu”.(Rozer Lopez)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login