Notisia

SERVISU AGRIKULTURA DURENTE NE’E LAO NORMAL

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Dili – Servisu Ministériu Agrikultura no Peskas (MAP)  durante ne’e  lao ho normal  maske iha difikuldade ho orsamentu maibe ne laos sai problema ba MAP atu labele hala’o  nia servisu iha iha kampo liu-liu ho parseiru dezenvolvimentu sira. 

Ministeriu Agrikultura liu husi Diresaun nasional seguransa alimentar konvoka Reuniaun harmonizasaun ho parseiru dezenvolvimentu   kada  trimestral , maibe ba fulan ida ne’e  konvoka sedu ituan, tuir lolos reniaun  ne’e hala’o  fulan Março  nia klaran ou fim de Março, maibe tanaba ita agora prepara ba Eleissaun ne’e duni ami prefere halo antes  atu nune’e bele hato’o ba parseiru sira konaba  prioridade ne’ebe Ministériu difini ona  ba dezenvolvimentu Agrikultura ninian iha parte Agrikultura, pekuaria, Floresta no  Peskas. Hateten Ministro Agrikultura e Peskas Estanislau Aleixo da Silva, Kuinta (01/03) iha Salaun MAP Comoro.

“Kapasitasaun institusional Ministériu Agrikultura  iha  jestaun  sira ne’e hotu hato’o ba parseiru sira  atu nune’e sira mos bele hatene katak mesmu ke ita iha difikuldades oioin konaba orsamentu mos servisu lao nafatin, prioridade sira ne’e pronto ona, atu nune’e   bainhira mai husi eleisaun bele iha ona dokumentu baziku ida atu bele hatutan Governasaun ne’e ba oin,  ne’e atu hatudu ba ita katak institusaun Estadu iha responsabilidade atu hala’o servisu nafatin maske iha difikuldade, iha balu ne’ebe maka halo no balu la konsege halo hanesan atividade konkretas ruma entermus de apoiu konkretus ruma ba ita nia agrikultór sira, maibe servisu normal ne’e sempre lao hela.”esplika Ministro MAP

Estanislau informa,  servisu Agrikultura hotu durante ne’e  lao normal, hanesan natar, tanke ikan nian, pekuaria konaba vasinasaun sira kontinua lao hela,  iha mos fatin hodi produs boek hanesan iha Loes, kafe iha Ermera Letefoho kafe ne’e mos foun hanesan primeira ves kuda iha letefoho maibe kafe original, halo mos rehabilitasaun ba plantasaun kafe, kuda ai-parapa. Sira mos servisu oinsa maka atu hare fila- fali peskas industrial iha ita nia laran.

Iha fatin hanesan xefe Departametu kooperasaun Diresaun Nasional Seguransa alimentar  MAP,  Helder Alberto Neves hatutan katak, reuniaun ida ne’e sira hakarak konvida  parseiru sira ne’ebe maka envolve iha setór Agrikultura tanba  sira hanesan parseria ho Ministériu atu nune’e husi parte Governu  nian labele halo ou la kobre iha area Agrikultura balun karik entaun sira mos bele ajuda ita iha parte sira ne’ebe maka ita la konsege kobre  implementa atividade refere.

Reuniaun ida ne’e hanesan reuniaun harmonizasaun entre Ministeriu Agrikultua e peskas ho parseiru dezenvolvimentu sira hanesan, NGO Nasional no Internasional sira no mos husi parte ajensia Nasoens Unidas sira hanesan: Care Internasional, Oxfam, JICA , UNDP, WFP, FAO sira ne’e maka hola parte iha reuniaun ida ne’e.(Tyfa)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login