Notisia

Governu Republika Xina Fo Apoiu Makina 41 Ba MAP

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Dili - Governu Republika Xina Apoiu makina 41 trator, makina kuda hare, koa  hare inklui eskavator ba Ministeriu Agrikultura no Peskas Timor-leste.

Makina refere kompostu husi tratores 7, makina kuda hare 18, makina koa hare 7, exkavator 2,  Ekipamentus refere hetan ona lansa husi Ministru Agrikultura e Peskas Estanislau Aleixo da Silva,  iha loron Kinta (01/02) resinto MAP Comoro Dili.

Tuir Ministru Agrikultura no Peskas (MAP) Estanislau Aleixo da Silva hateten, Republika popular Xina ajuda ekipamentus hirak ne’e MAP atu nune’e ita bele apoiu povu agrikultor sira iha munisipiu hodi bele hakaman sira  nia servisu iha kampu.

Nia esplika, Ekipamentus sira maka hanesan: eskabadora, tratores, semeadora, semeadora manual, aterladu, autocombinadas koa hare e mos baku hare kedas ho tan ekipamentus sira seluk ne’ebe maka Ministeriu simu ne’e presiza hodi bele fo apoiu ba ita nia povu Agrikultor sira.

Trator hitu ne’e Ida sei ba konsentra iha Atabae Munisipiu Boboanro no ida sei ba iha ululefa Maubisse Munisispiu Ainaro tanba  sira ne’e prresiza tebes tratores  iha area Hortikultura nian, nune’e sira bele fila rai hodi bele kuda modo Stroberry  iha Ululefa Maubisse.

 “Ekipamentus hirak ne’e atu tau iha Munisipiu  Baucau maibe susar, tanba natar sira iha neba ne’e  klot tebes  entaun ami tenki tau iha fatin ne’ebe luan hanesan Maliana, Oebaba Raibere no Watulari. La kleur tan mos tekniku husi Xineza sira sei mai Timor atu bele fo treinamentu ba ita nia tratorista sira no operador makina sira tekniku hamutuk nain 10 maka sei mai fo treinamentu ba sira, to,o wainhira tratorista no operador sira hatene ona hafoin tekniku sira fila ba sira nia rai.” Hateten Estanislau.

Nia informa, Makina refere  MAP sei fahe tuir situasaun ne’ebe mak ita  hare katak sira presiza duni, tanba ne’e husu ba utilizador sira atu utiliza halo didiak ekipamentu sira ne’e, tanba ekipamentu sira hanesan mos estadu nian ne’ebe maka atu ajuda ita nia Agrikultor sira.

 Tekniku husi Ministeriu  mos sei kontinua nafatin servisu ho ita nia Agrikultor sira atu bele fo apoiu nafatin ba sira. (Tyfa)

Av. Nicolao Lobato
Comoro
Dili
Timor-Leste

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login