Funsionáriu Kontratadu Kontinua Asina Kontratu

Estrela inativaEstrela inativaEstrela inativaEstrela inativaEstrela inativa
 

Dili- Ministériu Agrikultura e Peskas (MAP) kontinua fo Asina kontratu ba Funsionariu Kontratadus sira, funsionariu kontratadus refere hahu sira nia kontratu iha dia 01 de Janeiru no sei termina iha dia 31 de Março.

Kontratu maka hatur ita nia Direitu no dever sira, contratu ne’ebe maka sira iha tinan 2017 hahu husi Janeiru to’o Dezembro signifika katak hahu iha dia 1 de Janeiru to 31 de Dezembro tenki hapara ona kontratu maibe oras ne’e dadauk sira kontinua Asina tanba iha orsamentu doadesimo nian, hateten Diretor Nasional Rekursus Humanos Pedro Barreto iha loron Segunda (15/01) iha nia kna’ar fatin MAP Comoro Dili.

Nia sublinha, hapara kontratu bazeia ba termu de kontratu laos dehan atu hapara sira, maibe iha mos avaliasaun interno ida katak sira ne’ebe maka ajentes Administrasaun publika no bens de servisu sei hare ba sira nia performan ne’e diak ka lae, se performan diak entaun kontinua.

“Tanba hau iha Diresaun Nasional iha Rekursus Humanus hau hanesan hala’o de’it jestaun konaba Rekursus Humanus nian no hau labele foti desizaun, desizaun iha leten maka hatene. Iha ne’e iha alto nivel maka hatene konaba ida ne’e husi Hirarkia maka Sr. Secretariu Jeral Secretariu Jeral mos sei husu ordem mai husi Sr.Ministro hafoin hare hamutuk konaba asuntu ne’e.” esplika Diretor Rekursus Humanus

Pedro informa, agora dadauk kontratadus sira asina kontinua tanba iha orsamentu doadesimo, tanba ne’e sira hahu asina iha dia 1 de Janeiru to’o 31 de Março kontratu ne’e durasaun ba fulan tolu nia laran. Bens de servisu ne’e ita halo tanba ita nia orsamentu naton los ba to’o iha ne’eba. Maibe kuandu aban bai rua buat ne’e politika lao iha ona aprovasaun ba orsamentu Jeral ona ita bele hahu no lao normal tuir desizaun ne’ebe maka sira hatun.

Nia mos fo sai dadus ba funsionariu kontratadus sira Bazeia ba dadus interior sira ne’ebe maka bens de servisu iha 354 pesoas mas to’o agora ami sei hala’o hela prosesu asina kontratu fiar katak tempu badak nia laran sei remata sira nia asina hafoin ami bele fo dadus ne’ebe maka lolos.

Pedro akresenta, iha Diresaun Nasional Rekursus Humanus iha staff ida maka la ativu servisu iha kedas fulan Dezembro mai to’o agora, ami tenta hela oinsa nia atu bele mai asina kontinua maibe kontaktu maibe telefone mos mate hotu ona, ne’e signifika katak nia rasik maka hakarak rezigna a’an husi servisu ne’ebe maka iha.

Kontratu hotu hotu prepara husi Central hafoin destribui ba iha Munisipiu tuir nesesidade servisu ne’ebe maka iha hanesan: irigasaun, pekuaria e veterinaria, Agrikultura no Hortikultura, peskas, Floresta no mos iha Central ne’ebe maka ajuda iha Administrasaun.

Tuir Lei katak ita presiza rekursu atu bele apoiu sesrvisu tekniku no Administrasaun, ita espera katak ho kontratu ida foun ne’e bele aperfesoa sira nia servisu hodi bele ajuda Ministériu Agrikultura nian hodi bele lao ba oin tuir planu ne’ebe maka ita trasa tiha ona.Balu labele mai ho politika, mai ba ho servisu professional. Esperansa Pedro.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login