Notisia

Director Jeral no Xefe Departementu MAP Hetan Sertifikadu ba Formasaun Direitu Administrativa

Dili – Ministeriu Agrikultura no Peskas (MAP) fo formasaun konaba Direitu Administrativa ba Sekretario Jeral, Diretor Jeral, Nasionais, Munisipiu inklui xefi departamentu hotu, formasaun ne’e hahu iha fulan Agusto no remata iha fulan novembru 2016.

Ministru Agrikultura no Peskas no Ministru Koordenador ba Asuntu Ekonomiku, Estanislau Aleixo da Silva, direitamente entrega Sertifikaduba Diretor Jerais, Nasionais no Xefi Departamentu nebe’e tuir Formasaun konaba Direitu Administrativa durante 20 Horas, iha Salaun MAP Comoro, iha loron 17/11.

Ministru Estanislau, hateten katak formasaun konaba Lei iha area Juridika no Lei sira ne’ebe aban bainrua halo implementasaun ba orsamenento estadu labele viola lei ne’ebe iha. Diretor Gerais, Nasionais, Xefi Departamentu inklui Diretor Munisipiu ira tuir kursu Formasaun durante 20 horas, simu sertifikadu tanba hetan formasaun no konhesementu konaba area Juridika nian atu nune’e ba oin sira bele hala’o serbisu diak liu tan.

Iha fatin hanesan, Asesor Juridiku MAP, Sebastiao Dias Ximenes, esplikaformasaun direito inisiativa husi Ministru Estanislau atu bele fo formasaun funsionariu sira ne’ebe kaer kargu xefia hahu husi Secretariu Geral, Diretor Geral no Diretor Nasionais ne’ebe servisu iha Sentral nomos Diretor Regionais, Diretor Munisipais, no Xefi Departemento hotu iha Nasional no mos Xefi Departemento iha Munisipiu.

Sebastiao Dias Ximenes salienta, iha formasaun ne’e fahe informasaun konaba Lei no Prosidementu legais, ho nune’e fungsionariu sira ne’ebe kaer kargu xefi no diresaun ne’e bele halo knaar diak liu tan.

Primeiru grupu formasaun ne’e hahu uluk ba Diretor Jerais, Nasionais ne’ebe servisu iha nasional. Sei loke Segundo grupu ba diresaun ne’ebe servisu iha Sekretario Jeral nian okos, Diresaun Administrasaun Finansas no Aprovisionamento.

“Wainhira ema hotu hatene Lei ne’e, sira labele viola Lei no Prosidemento Legais ne’ebe iha”. Tenik Sebastiao

Formasaun ba etapa premeiru ne’e, hahu hosi fulan Julhu to Novembru 2016, no total partisipantes hamutuk eman 170.

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login