Notisia

MAP-FAO Halao Enkontru Konservasaun Agrikultura

Dili – Ministeriu Agrikultura no Peskas (MAP) parseiro ho dezenvolvimentu FAO hala’o ekontru kona ba rede multi stakeholder ba Konservasaun Agrikultura (CA) ho objetivu hodi diskuti kona ba progresu implementasaun tekniku CA iha futuru. Ekontru ne’e hala’o iha loron kinta-feira 1/12/2016 iha salaun MAP Comoro.

Diretór Nasional Agrikultura Hortikultura no Estensaun, Amaro Ximenes iha nian entrevista hateten katak, objetivu enkontru ne’e kona ba konservasaun Agrikultura, tanba agrikultór maka nudar implementador, ne’e mak sira bolu CA ka konservasaun agrikultura atu fasilita agrikultor sira ne’ebe kbiitlaiha atu sosa mina ba trator atu nune’e bele fila rai.

Programa konservasaun agrikultura mos fasilita komunidade ou agrikultór sira ne’ebe mak hela iha rai lolon, ne’ebe mak labele asesu. fila rai gratuita inklui mos oinsa mak bele garantia rai nia bokur ka PH rai tanba ita nia rai agora nia bokur tun ba bebeik ne’e duni oinsa mak atu bele hasae fali rai nian bokur iha futuru.

Amaro Ximeneshatutan liu tan, programa CA ne’e mos kona ba bé, tanba sai hanesan fator determinantes ba produsaun, ne’e duni programa ne’e mos atu garantia konserva bé iha fatin hotu tanba programa ne’e lao ona iha tinan-tinan.

Nia mos informa iha ekontru ne’e, atu aprezenta rezultadu CA ne’e benifisiu ba agrikultor sira, tanba programa ida ne’e mos koalia konaba be, sai hanesan fator determinantes ba produsaun, ne’e duni iha programa ida ne’e mos atu garantia konservasaun ba be iha fatin hotu.

Amaro akresenta liutan katak, programa ida ne’e tinan tinan sempre hala’o, no ohin kuandu remata enkontru ida ne’e, sei koalia mos konaba rezultadu implementasaun atividade ida ne’e, no oinsa maka governu iha tekniku sira, atu nafatin tau iha planu asaun manual kada distrito ou nasional nian.

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login