MAP Lansa Kampañe Ai-Han Ba Moris

Estrela inativaEstrela inativaEstrela inativaEstrela inativaEstrela inativa
 

DILI Ministeriu da Agrikultura no Pescas (MAP) servisu hamutuk ho Universidade Nacional Timor Lorosa’e (UNTL) no Food and Agriculture Organization (FAO) halo lansamento kampañe ai-han ba moris no keta estraga ai-han.

Lia hirak ne’e hato’o husi Vice Ministru MAP Marcos da Cruz ba jornalista sira iha salaun Delta Nova, Dili loron Kuarta (15/02/2017).

Marcos hateten, ohin ne’e ami halo seminario ida kona ba lansamento ai-han moris ou salva ai-han “save food”. Tanba ita atu koalia kona ba disponibilidade ai-han, kuantidade no kualidade ai-han. Lo’os katak ita presiza aumenta produsaun agrikultura maibe ita mós presiza hare’e katak ai-han hirak ne’e ita presiza kuidadu, presiza salva ne’e ba ai-han ne’ebé ita produs tiha ona hodi nune’e la bele lakon.

Nia informa dala barak, dala barak ai-han sira ne’e lakon signifika katak bainhira ita kolheta hanesan hare iha natar laran mós lakon durante transportasaun husi ba uma, iha uma mós lakon tanba laho han no manu ou buat selu, bainhira prosesu sai fali fos mós lakon, husi fos ba etu mós lakon no to’o iha meza leten ema han mós la hotu no soe estraga deit. Esplika Vice Ministru MAP.

Oinsa mak ita bele redus ai han lakon no mós ai han estraga, liu husi seminar ida ne’e bele fo hanoin ba ita hotu baibain han ne’ebé ita han estraga deit. Ai-han ne’e ita bele dehan vida, se ita la han aihan ruma ne’e ita bele moras ou mate tan hahan. Maibe dala ruma ita la iha sentimento katak kuandu ita han no soe ne’e signifika katak ita soe hahan. Tenik nia.

Tan ne’e presiza habelelar informasaun ne’e ba ema seluk ne’ebé seidauk rona, ita hotu kuidadu no la bele halo lakon aihan. Ita tenke komprende hahan ne’ebé lor-loron ita konsumu hanesan etu, modo, ikan, na’an no seluk tan la bele estraga no halo lakon katak soe deit. Dehan Marcos.

Iha fatin hanesan Pro Reitor UNTL Eduardo Aniceto Serrão hateten, ita hatene katak ai-han komesa lakon iha fatin hot-hotu komesa preparasaun kuda ai-han to’o ita han. Entaun ida ne’e aktividade inisiativu ida bo’ot teb-tebes ita hotu.

Ministeriu MAP ho FAO konsidera UNTL servisu hamutuk atu inisia lansamento kampane ai-han ba moris. Ai-han iha TL katak iha fatin balun ai-han estraga deit no iha fatin balun ai-han la distribui ho diak. Inseguransa ai-han, insegunransa nutrisaun iha TL ita bele sente kata Timor laran ai-han la to’o ba komunidade ou ema. Iha fatin balun ai-han barak teb-tebes ho kuantidade oi-oin, kualidade oi-oin maibe estraga deit. Tenik Eduardo.

Nia esplika, ita hare’e ba populasaun iha mundo 1.2 miloens katak ita nia presensa iha TL ai-han estragus ne’e iha duni. Ida ne’e sai hensan preokupasaun tanba dala barak sira la sente maibe ita hatene katak ai-han ne’e importanta ba vida. Tan ne’e presiza informasaun ba maluk sira ne’ebé seidauk rona kona asunto ida ne’e tamba ai-han la to’o ba populasaun kuaze 72% iha TL ai-han barak mak sira soe no estragu.

Nune’e mós reprezentante FAO Paula Lopes da Cruz hateten, objetivu husi seminario ida ne’e mak fahe informasaun no fo hanoin ba malu tanba sa mak ita tenke kuidadu ita nia hahan. Husi total ai-han ne’ebé ita produs sei partilha ba total ai-han ne’e la konsege to’o ba ema nia ibun, la konsege to’o ema para atu han. To’o ohin loron ai-han estraga tanba la kuidadu husi ema rasik.

Paula esplika, iha mundu seluk ema barak teb-tebes sei infrenta hamlaha, hamlaha laos dehan katak etu musan ida mós laiha, ne’e laos. Hamlaha ida ne’ebé termus FAO fo hanoin beibeik ba ema hotu mak hamlaha ida ba hahan ho nesecidade ne’ebé sufisiente.

Ema atu moris saudevel no isin diak nia presiza etu, modo no hahan seluk ne’ebé fo proteina, vitamina no micronutriente bar-barak ne’ebé mak ita nia isin presiza para la bele hetan moras, krekas no atu fo kulit kabe’er no seluk tan ba ita nia isin. Nia esplika.

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login